（劇透注意）
我對The Maze Runner 系列係有偏心嘅，因為我鍾意。呢部好睇過第一部，雖然上一部埋伏線得嚟仍然完整，但呢部「入正題」嘅感覺相比之下更強烈。
Thomas繼續同三五知己齊齊逃亡，同行唔理去到邊總知見少Teresa一陣就不停問“Where’s she"，搞到成班兄弟面懵懵。
好啦好啦，當個女仔係寶，弊在條女原來係真心膠呢。「紅顏禍水」真係無講錯，話口未完千辛萬苦攀山涉水生離死別咁去到倖存者收容陣營，大家露完營就準備去樂土嘅時候，真心膠女主角就同你講「哎呀好慘㗎其他走唔到嘅人…我都好慘呀我嘅童年完全無咗呀乜乜乜所以呢我就報你地寸救世界喇你會明㗎可？」
（你老味呀？？？嗰啲人明明係唔敢搏一搏變摩托走出迷宮！（詳見第一部The Maze Runner)）仲嚟婦人之仁只會死更多人）
Thomas未反應得切，成個大本營一番心血就已經比人亂鳩咁炸咗喇（係有啲mind-fucked嘅明明講好咗係要活捉地面啲人但架直昇機係鳩丟炸彈落去）由扮發火笠守衞張證到救Brenda一直令觀眾老懷安慰嘅Tommy仔完全示範咗咩叫「有豬隊友慘過有神對手」，無論你幾命硬，豬隊友都可以剋死你。
滿意極都會有疑點嘅：
– 尾shot明明可以無對白解決，點解係都要用嗰句"So what’s your plan?" ；同樣都係男主角用一個堅定眼神望鏡頭就Ending，點解好揀唔揀要問呢句之後Thomas又唔答得就完咗？？？
– Min Ho比雷劈除咗嚇鳩觀眾之外係對劇情無發展影響，不如用一兩個shot解釋下Teresa點樣喺與世隔絕連電台接線都要接勁耐先聽到一兩句嘅Right Arm分部報寸比WICKED？
平心而論，如果一定要將The Maze Runner系列同The Hunger Games系列比較，sorry，淨係論誠意前者都交足貨過後者，而且續集唔會越拍越hea先。
Ps. 有無人一樣最鍾意Newt? :9