近來的其中一個熱門話題，相信非香港足球隊（下稱港足）莫屬！
激發起港人對港足的關心是源自一張中國足協的「有層次」海報
海報是一個導火線，間接令足球在香港不被重視而因為有政治暗喻而炒得火熱
港足成員的名字大家由「而我不知誰是……」
陳韋拿、基藍馬、葉鴻輝、李志豪、麥基等等名字變得人人認識
由賽事前不被睇好、被國足暗嘲為送分童子，至到5:0大炒緬甸
2:0挫馬爾代夫、1:0贏不丹
2:3卡塔爾，失三球後連追兩球雖敗猶榮、0:0守和中國
港足一場又一場的表現開始令香港人相信原來還有夢，只要努力都係會有作為
呢次想講就是各種勝利球迷／忽然球迷的心態
香港人熱愛足球？熱愛運動？唔好講笑啦，我肯定勝利球迷或忽然球迷係佔大多數，
佢地支持、佢地睇港足因為這是近期的熱話，你不睇就out了，
當中有幾多人是會一路支持香港隊？
2014世界盃，都有一大堆忽然「球迷」
hashtag:#巴西加油 #施朗bb #尼馬好靚仔
支持巴西葡萄牙的理由是C朗bb好靚仔、尼馬好型
而唔係欣賞C朗既勤奮，尼馬既射術
支持巴西隊唔係因為他們迷人的森巴足球風格，
而是巴西隊「成日贏波」，好勁
著波衫亦只係因為潮流，要影相呃like
之後有幾多件波衫封左塵就真係要問佢地先知喇。
記唔記得巴西球迷費南迪斯？佢由1990年開始支持巴西隊，直至2014年間去了60幾個國家睇自己愛隊作賽，一心一意支持自己國家球隊共150多場賽事
在2014年世界盃，巴西被德國7:1大炒，佢抱著大力神盃痛哭既場面相信大家都不會忘記。
賽後他將大力神盃送給一個德國女孩，並說：「請你代我將這座獎盃帶到馬拉簡拿(上屆決賽場地)，這是你們應得的。」
球隊贏波固然開心，但球迷慘敗仍然繼續支持，先係真正的球迷
巴西被大炒1:7之後，忽然又多左一班勝利德國球迷，話自己支持德國隊
再上一屆世界盃之後，明明好多西班牙球迷，依家又唔見晒，究竟佢地去左邊？我真係望唔透呢個世界仲有幾多野我係掌握到。
再睇番香港情況，原來足球係一個咁現實既地方，原全係成敗論英雄，你贏左波就會有人支持，輸左波就係垃圾，浪費資源，完來成件事係好可悲
仲會製造惡性循環
冇人睇》》資源投入更少》》成績唔好》》冇人睇
近排睇香港波，大家感受到香港隊既努力
全場一條心撐港隊，就算贏唔到都唔俾你出線，做到了，這次已經算是超額完成
運動原來可以帶俾一個地方一種凝聚力，足球更是當中的表表姐
（得罪講句係呢個層面冇一種運動夠足球大凝聚力）
從前場面冷清的球場，竟然變得全場滿座，一票難求（筆者覺得近來買飛仲難過cut有線）
甚至有球迷為看球賽爬上樹頂、燈柱
全場一齊大嗌We are Hong Kong!啪啪啪啪!
場面之熱血是何等震撼和令人興奮良久揮之不去
但願港足唔係香港人既新玩具或是用完即棄的避孕套
唔好再做勝利球迷，今日開始，入場支持每一場香港足球
港足加油！香港勁揪！
最後送上一首歌