大衛戰勝歌利亞不是夢，寂寂無名既徐子見成功連「根」拔起，打破左一直植「根」係東區五年既「樹人」
作為一個柴灣區既小市民，實在有點高興
樹人並唔係浪得虛名架，佢真係好似棵樹咁唔郁架，但又唔識得光合作用喎，係咪應該斬掉重練？
先唔討論咩政治背景乜派乜黨，住左係柴灣區咁多年，講真一句，除左係漁灣見到佢D植根多年既poster之外..我真係見到唔有咩特別改善
以往身兼立法會同東區議會兩職既樹人，講緊係輕輕鬆鬆unun腳就月入超過十萬..得閒開下會講下粗口咁就一日，係呀，我屌你仲有錢收架
仲要未計佢份正職，隨時月入二十萬不是夢
記得有排香港好多樹都比人斬晒，真係好想叫樹木辦順手清埋東區呢棵樹，可惜樹木辦話唔係佢搞架喎
有人可能覺得我只係唔抵得人地搵咁多，講咁多又係植物一棵，好葡提子呀！
如果你問我係咪，我舉埋三隻腳都係話係啦！大佬，呢D工邊到搵呀，我做到就黎死，日日比人奴役都只係得萬四五蚊一個月（廢青一名）
有得揀，我都想做一棵樹，最多我唔講粗口呀…
講左咁耐，雖然選舉岩岩先結束，大衛徐子見既真正實力仲未睇到，當然唔排除佢可能又係另一棵「樹」，但相信點都好過又比樹人自動當選咁無癮
我相信柴灣既市民都願意博一博既，加油
利申：非打手