（photo via cc Flickr user Bernd Zube）
讀三年幼稚園然後讀六年小學，之後好好彩抽獎抽到心儀中學讀左五年考個會考再去第二間讀埋個預科然後考大學。好好彩俾我入到，然後好開心咁過左三年甜蜜時光。跟據我阿媽「一地都係大學生」既說法，香港十個有九個學生都有類似既經歷。同樣地，畢業後大家都唔會再有教育制度為你預設嘅所謂目標。
身邊雖然有唔少已立定志向或「上左岸」做左公務員嘅朋友，但事實上更多正在摸石過河。每次見面總係問「點呀轉工未呀？點呀考左CRE 未呀，就黎有EO 報喎？點呀resign 左唸住搵咩呀？」我唔知點答好。如果我搵non-major 工，我唔知我要俾兇猛既HR 壓幾多價。我唔知做左一年唔岩，然後轉industry 我係咪面對到繼續做辦公室食物鏈最低層既折磨。我唔知有幾多時間可以試，因為HR 又會話你jumpy。講到尾，我唔知其實目標係乜，但我知我想可以搵到個目標然後衝埋去。
Bobby 蘇︰真係說出個重點來。
達到目標之前既路當然係唔容易，但企係十字路口，行出去又走到另一個十字路口，同樣係百般滋味在心頭。社會環境雖然唔同左，爭執多左，以為買到樓又多數係唸多左，但我相信機會一直係到。經過send 左唔知幾多cv出去之後，有一兩份終於過到HR 既鷹眼，有幸考下written，見下真人，已經好感恩。所以我每次都會講「Thank you very much for inviting me to this interview」回頭又睇見門外有n個candidates包括你嗰個已經「上左岸」但又想更有錢途既同學同你爭緊。唔緊要，有一日我會成為「被選中嘅candidate」。係啊，係要有阿Q精神先可以繼續走落去。
是錯的 再動人
纏著錯的 難免徒勞
一個接一個 也沒有結果
方知海闊天高是你的 終於會碰到
別太早 替未來苦惱
只差一點好時辰 主角始終會等到
苦澀只不過鼓舞
＜張敬軒－找對的人＞
特別鳴謝屋企人既無聲支持。繼續找對的工，對的路，對的人生。