從前，有個女仔叫做亭亭，佢都人如其名生得亭亭玉立，都算得上係個清純學生妹，手執BC 卻話自己中國人，出身小康，生活都算唔錯，後尾仲加入左個學生組織，成功上位做左女神bb，深得一眾男性追捧。
亭亭中學時喺一間知名女校讀書，成績唔錯，唯一有樣野唔好就係人緣差，無計啦，有女人就有是非，三十個女人就更多是非。大家都唔中意亭亭咁柔弱，覺得佢係扮出黎，漸漸亭亭就愈來愈少朋友。有見及此，亭亭決定用一人之力去對抗大家——一個杯葛三十個人，雖然過得好痛苦，又唔想話比爸爸媽媽知，但佢深信堅持之係成功既基石，於是佢一邊打上網尋求網民既安慰，一邊堅持杯葛自己呢個決定。
DSE 後，亭亭入左教會大學，雖然同自己心目中既馬料水大學差左幾個火車站咁，但都叫做滿意可以入到心儀既學系讀政治。而係呢段時間，亭亭堅持杯葛自己既做法，繼續係網上不斷重溫自己要打工搵錢，連胃痛都無錢買藥食，尋求安慰。終於係甚麼遮仔運動後，亭亭抵受唔住壓力要退落黎，但佢無令一眾宅男失望，大家依然可以係鏡頭前見到佢可愛既身形。
近排，亭亭之前參加既組織解散左，佢同舊拍檔風風同攝石再加幾個講唔出名既搞咗個新既政黨，叫「香江籌款」，雖然比人鬧佢彈出彈入，但亭亭一於少理，一邊努力同大叔去日本溝通溝通，一邊努力搵groupmate做project。淨係記得搵groupmate呢點都值得加許啦，組黨都不忘讀書，你睇佢幾有上進心先得。雖然佢忙，忙到唔小心freeride左個powerpoint，但亭亭記得係whatsapp group搵番groupmate講唔好意思兼扁嘴，仲攬晒Q&A上身怕大家英文唔掂講錯晒，呢啲咁好既groupmate去邊到搵先得。
希望亭亭bb未來嘅日子繼續無畏無懼，彈出彈入，用佢把充滿個性嘅長髮，甜美嘅笑容，加埋招牌扁嘴造型，為新政黨添上更多「好人好事」，記得記得一定唔好放棄做直播呀，好多人等住睇你架。
如 有 雷 同，實 屬 巧 合。