是咁的，一直好想寫一篇文投稿去輔仁。
據聞，輔仁乜文都要，登唔登就另一回事。
於是一直在學習。終於，今天寫了呢篇文。
生於80，成長於周星馳無厘頭文化中。周星馳講過佢嘅電影創作受笑匠許冠文影響。或許隨年齡增長，對許冠文式冷面笑匠笑話越嚟越無感覺。許冠文電影中多演草根階層角色，小人物生活中面對嘅坎坷與無奈常常出現喺佢嘅作品裡面。一種阿Q精神與苦中作樂嘅自娛或會令人會心微笑。但係，久而久之，香港人生活越見艱難，面對呢種自娛感覺變得更冷、沒趣。
鍾意周星馳嘅戲，不難發現佢前期到新年自己出品嘅作品，好多都係以小人物作中心。當中會經歷跌跌盪盪，最後會突破成就自己。可能呢一點正好反映出佢受許冠文電影影響嘅地方。不過，我認為周星馳比許冠文出色嘅係，佢無厘頭得嚟無套戲或電影中某一幕都會帶出除咗生活瑣事嘅無奈與問題外，更會道出一啲更高嘅意義。如功夫嘅佛學概念、如西遊記嘅超凡脫俗嘅愛情觀。
從電影到生活，香港人生活嘅辛苦不變，變嘅係變得不再單一。面對嘅問題除咗衣食住行外，政治與民主法治等問題正面對面衝擊生活。我地嘅時代亦從許冠文式轉型到周星馳式、或更遠。