（photo via cc Flickr user Quinn Dombrowski）
手帕，呢樣野應該是史前、或者是CCTBB民初劇中先會出現的道具：即是用黎溝女時俾女仔抹眼淚、或者老公公扮gentlemen時先用的東西。但今年我決定試試用手帕，為的唔是無錢買紙巾，而是想環保。
話說當本人用膠樽數量已經大幅下降之後，我漸漸留意自己個垃圾桶其實最多是咩垃圾。就是－紙巾。食飯用紙巾、去完廁所出街抹手用紙巾、見污漕野抹走用紙巾，幾咁閒－就是因為呢句幾咁閒，能源就無日無知咁被渣乾渣淨。而呢D日常生活位，從來無人教過我地要節源－乜紙巾都要少用架咩？簡直是天方夜譚－好，既然是咁，我就試下用手帕。
根據2005年資料，港人使用紙巾的情況極為嚴重，香港人每．日（是每．日！）所用的紙巾多達20噸。原來一噸紙要用17棵樹造成，即是340棵樹；日日斬340棵樹，即是一年斬124100棵樹…OMG我唔想計落去。呢個已經是2005年資料，究竟而家情況嚴重左幾多？真是唔知。另外，起製造紙巾的過程中，亦經過多重漂白、增光、增白的化學工序處理，才會變成雪白的紙巾。因為無知的消費者往往覺得「白」就是「乾淨」；而製造紙巾的化學工序更會污染水源，致癌物質更有機會殘留其中，經嘴唇與毛孔慢慢滲入人體，使人慢性中毒。所以，用手帕其實真是好好多，不僅是對自己、抑或對環境都是。
唔講唔知，其實日本人是幾興用手帕的，日本百貨公司亦有一系列的手帕專櫃。日本人也是環保先驅，其實手帕並非我們想像中起古代先會出現既物種啦。
買左手帕返黎用的第一個改變，就是去完洗手間出街抹手不再需要用抹手紙。男廁我唔知，但在女廁我經常見一D大媽當D抹手紙是有錢派咁一囉囉4 – 5張。癡架？手都是得一對口者，使唔使chur咁盡呀。果D抹手紙唔是紙黎既。在洗手間，掏出手帕，輕輕抹手－其實都幾elegant呀。仲有，輕輕抹面、抹汗其實是可以選擇用手帕。手帕的好處是我可以噴少少香薰，抹上手淡淡清香，好過用Tempu喎。另外我一打呵欠，雙眼就會狂漂淚水；有手帕抹眼，又節省了幾張紙巾。數埋數埋，一日真是可以節省左用一包紙巾咁多！唔好講笑，其實幾有成功感喎！
但是，因為本人有鼻敏感關係，sun鼻涕是家常便飯，一sun就成個垃圾桶都是。唔通sun鼻涕都用手帕？癡線我真是接受唔到囉－我覺得。但眼見成個垃圾桶都是紙巾，我決心試一試！
一次起屋企想sun鼻涕時，決心試一試手帕的效果——依？其實真是舒服過用紙巾多多聲喎。質感真是好正，即使Tempu都無果種舒服柔軟的感覺。更加唔好提真是Tempu會整到成面紙碎的核突感喇。雖然chi lup lup就梗架喇（唔是點叫鼻涕呀…），但手帕「吸水力」比紙巾好，其實無想像中咁核突。一般黎講我相信大家sun鼻涕都唔會一次過用哂成張紙巾，手帕都一樣，sun完一次仲有大把位俾你sun多幾次（不過唔會再用sun過既位再sun囉…）。當然，用到咁上下就要拎去洗，最方便就是用熱水、或者皂液都可以。有兩條替換，一日都洗最少一次，夜晚放在房中吹乾，第日又有得用。是有少少麻煩，但為左環保，都ok呀。
不過，我出街仍然會帶紙巾。點呀～去廁所或者吐痰都梗是唔可以用手帕喇！