好多人好憎欣宜。
其實佢唱歌又唔算差。
但佢係想做「明星」，唔係單單做「歌手」。
娛樂行業，講包裝，講定位，講賣點。
大波嘅，賣性感。長腿嘅，賣誘惑。清純嘅，賣初戀感覺。
好多時係賣個形象。「實力」？次要啲。
正如 twins 出道時賣嘅嘢咁。
有咗 twins ，黎明都好似聽落唱功唔錯。所以近年聽返，你發覺當年勁被人批評唱功差嘅歌手，都忽然好似唱得好聽咗。最明顯嘅例子咪就係黎明。
咁欣宜咁搞法，其實賣乜呢？成日賣「悲情」話自己幾努力突破體重要形象嘅局限，係消費緊件事。即係我柒雖然係事實，但年年月月日日咁回帶話自己柒得嚟幾努力幾特別，呢啲咪叫消費囉。
講真，欣宜可以考慮真係去唱歌，我意思係，真～係～去～唱～歌，咩歌都唱，或者做伴唱，做 demo 歌手，甚至揀條風格嘅路去鑽研，唱下爵士都好，總之真係做返啲「名實相符」嘅嘢。
娛樂行業講形象，無又夾硬搵嘢賣，觀眾唔會中意睇。