熱狗唔識／不屑玩PR就一直有樣睇。繼新東補選光速割光環，昨日又聯同毒媒製造公關災難，辣慶pokemon參賽者。昨日毒撚媒體聯同熱血公民舉行「十萬伏特大遊行」遊行至日本領使館，結果只有二十人參與。本身就柒得好地地，突然香港寵物小精靈聯盟指出，由於該遊行，比賽舉辦方現正考慮取消寵物小精靈世界賽2016電玩賽香港區選拔賽，完美咁製造黑鑊比熱狗揹。
事件疑點有兩個：二十人既遊行點樣對比賽構成威嚇；到目前為止只有非官方消息彈出。
就我大擔推斷，其實官方無諗住取消比賽，又或姐取消與否根本唔重要，純粹想製造黑鑊，完美咁將熱狗塑成玩家公敵，搚幾百名參賽者及官方配信寵既「民意」向爭取保留譯名既反對派施壓。二十人民意不足為懼，官方至少都手持過百名參賽者民意。而且更令人懷疑係透過香港寵物小精靈聯盟指出比賽舉辦方現正「考慮」取消是次比賽，而官方仍未回應，就為事件添上神秘感同陰謀論。
當然有唔少反對派支持者認為，老任此計卑鄙無恥，完美示範點樣把幫你爭取野既人變成你既仇人，亦有人話此刻仲支持老任既都係患左斯德哥爾摩症候群。甚至有聲音指事件係由比賽主辦方自導自演，企圖抹黑反對派。
學黃子華《旋風腿》話：「做人無公關，食屎啦。」老任就係用公關，玩你無公關。
公關配得最多既詞語係咩？公關技倆。公關就係技倆，只有玩到高唔高檔，無話卑唔卑鄙。佢今次無疑係好卑鄙，但亦都好高檔好高明。佢一著，除左得罪反對派外，最大得益係削弱左反對派既民意。至於反對派既民意，老老實實佢點都爭取唔番亦唔驚得罪。總體而言，此著效果十份顯著。
反對派本身有既大義，就係保持廣東話譯名。但就部分玩家而言，叫咩名根本唔重要。除左部分玩家本身用慣日文／英文稱呼外，亦有意見話叫咩名根本唔會改變佢地對寵物既稱呼。簡單尼講就係叫咩名唔影響遊戲體驗。反對派變相阻住你比賽，仲話幫你爭取你唔要既野，嘩真係多謝晒。成件事就好似中國人唔想要民主，支聯會就係到建設民主中國，直頭要叫番聲謝主龍恩。反對派係阻人比賽為港爭光下亦拎唔到大義同籌碼，難以同老任對著踫。反對派係阻人比賽為港爭光下亦拎唔到大義同談判籌碼，難以同老任對著踫。
造成保留譯名上意見兩極分化，就再次證明左公關既重要性。熱狗繼續奉行佢地既無PR主義，而老任就以純熟既PR技倆擊退熱狗。熱狗一邊比位人入你；一邊責怪人入你手段卑鄙，咁目中無人輸打贏要，就令我諗起某政黨－－香港眾志。差啲唔記得左，當日你都有份笑中箭既公關災難，今日到你做得唔好，比人入好應該姐。