美：醫生醫生！
T: 嘠？
美：查理斯皇子同個男仔打茄輪呀！
T: 咁爆？
美：一定係個卡美拉搞孿佢啦！
T: 會唔會係因為佢孿所以揀卡美拉呢？
美：吓？即係是旦娶個呀？
T: 咁如果一世你都冇可能娶到個你真正愛的人，咁不如娶個最好朋友啦。
美：吓？咁會害人一世㗎喎。
T: 你估個女仔嫁佢時冇計算過咩？
是真的，今時今日，2016年，香港，仍然有男人為了家庭壓力而需要結婚，及繼後香燈。
點解？
當你個有錢daddy同你講，未結婚/ 女子/ 搞基/ 無後係冇得分身家的時候，真係是但啦。
點解唔俾啲腰骨出去闖？
乜正常打工仔可以搵到十幾廿億咩？吐啖痰啫，come on James。呢啲叫能屈能伸，你睇下啲官？笑騎騎，又過骨。
我有好多同志客人，（唔好對號入座呀吓。）同志同一般的客人冇分別，一樣係又要靚又怕病又呻窮。
不過同志有樣好：目標明確。
同志想要的，一係男朋友，一係性伴，好直接。
然後同志就一定會改進自己去達成目標。
因為他們知道男人係唔會睇內涵的，一定係check咗副偈，副偈唔得講都多餘。
點解咁現實？自己都check人副偈，憑乜嘢覺得對方唔會check番你呢？
黑色衫抦埋一二便個怕羞文員妹妹，學嘢喇！
正如專欄作家XX所講：同志，一係有樣，一係有波；冇樣去執，冇波就去操。反正冇樣冇波都係坐冷板凳，不如去識下人仲好。年老色衰咩？冇問題，你就要好似查理斯王子一樣，一係有錢一係有權，知嘛？
By the way， 查理斯王子好好醜醜係王子嚟㗎吓！