（photo via cc Flickr user Ze’ev Barkan）
呢廿七年黎，六四事件係咪第一次遇上小一叩門？我唔知，但我好奇想知嘅係，香港父母會緊張六四事件多啲，定係小一叩門多啲？
六四事件廿七年，仲未可以平反，點解？因為個仆街政府唔肯認曾經屠殺過自己人民，選擇「用謊言模糊歷史，將六四漂成白紙」。換句話說，對於平反六四嘅堅持，就係一種對真相同埋歷史嘅追求同渴望，呢種使命唔應該只係文科人先會有，應該係全香港人都要有。點解？因為係香港，越黎越多弄假成真嘅事件，如果助長歪風，香港仲邊有希望？咁香港希望係邊到搵？靠小朋友囉，唔通靠班老屎忽咩。所以，教育真係好撚重要。
統一派位，一定有人歡喜有人愁架喇，每年都有好多派唔到心儀學校嘅父母就會去瘋狂叩門，死都要幫仔女入名校。名校名校，個個都爭住要入，入到喇，然後呢？畢業，讀大學，出黎社會做野，一定會可以平步青雲喇咩？幾廿歲人，仲咁天真？向上流是寫包單的嗎？Sor9ly，唔係囉，真係要成功，無番咁上下轉數同創意都唔掂啦。成日話，成功需苦幹，小朋友入到名校，就真係唔荒唔苦幹喇，操呢樣操果樣，繼續填鴨，會開心咩？都唔開心，點解仲要比心機讀？
再講，名校一定想收叻仔叻女架啦，需要學生嘅中、英、數程度一定高，考數學，要識如加、減、乘、除；考英文，要識重組句子；考中文時，分分中要做埋聆聽理解同作文。升小一咋，做神童咩而家？去到咁盡，緣份自必早盡，除咗童真，仲有條命，到時唔好喊。
可能有人會話，六四事件，小一叩門，Why Not Both？都無話唔得，有幾多父母會咁做？心照啦。想小朋友識得明辨是非，定係照讀死書，從來都要takeside。