「又厚粉又皺皮，你著緊個件咩衫阿？格甩底都濕哂啦！」
「哇，依個大陸閪都黎選港姐？係咪黎香港做雞做唔掂阿」
「喂喂喂，依個做得我阿媽啦喎，hi auntie, 你個女幾歲阿？不如叫佢黎選好過啦」
2016年香港小姐競選係一眾屌地聲中，
媽呀媽呀咁開始。
其實唔知咩時候開始，
不顧一切去追尋夢想，
只會比人笑你on9。
無錯。
係只會比人笑係on9。
香港人睇人仆街就最開心。
回想起身邊既朋友，
幾多人細個既時候同佢地老母講：
「媽咪，我大個要選港姐」
但最後有幾多個無比殘酷既現實說服左？
Simon cowell又要出場
「It’s a No for me 」
人生有時我會覺得咁,
一次威威風風地仆街相比起每日既平平淡淡，
我會選擇仆街。
仆一個轟轟烈烈既街。
起碼你可以同夢想講一句：
「我唔可以一直都係咁，我要繼續我既生活啦。但我真係有d怕失去妳」
夢想可能都會應你一句：
「唔洗驚，你一定搵過個更好既啦。」
一段落花流水。
我唔係曾志偉又唔係Dodo姐，
我無資格話你地靚定醜樣，
有學歷智慧定波大無腦。
但你地報名參加香港小姐個刻，
你地係TVB行出黎面對記者個刻，
你地企係我地依班香港人面前個刻。
你地唔知自己有幾型。