（photo via cc Flickr user EducationSector）
同學仔放暑假喇，朝早一開眼唔駛趕番學，訓到自然醒都得，當然少不了仲有補課、補習同課外活動啦。以前放假最期待就可以日夜無間斷睇卡通片，就好像我家小弟係屋企無限打機同間中打波呢，都仲要番學唔知搞d咩，因為其實老師係暑假都好忙下。
好多人都認為做老師可以有暑假呢個比一般打工仔好很多的長假！但其實而家大家都知，老師係暑假係好多野做的，雖然我不曾當日校老師，但在不同同輩朋友或自己相熟老師口中得知，暑假除了可以不按日常7-7的番工時間外，工作是有多無少的：改堆積如山的作文、習作、SBA、IES、總之所以你跟住佢一齊先form既同一班既所有野都一定要清，然後無限的開會：校長會、家教會、訓導會、輔導會、訓輔導會、考評局講座等等；仲有一系列：暑期補課、暑期當值、暑假課外活動、暑期XYZ…仲未提教案、行政文件、個別學生及家長的個案跟進及處理。
除左左排右排，拼湊到一個短途旅行外，其實暑假一樣咁忙。
唔係日校教，但又要教書既人，都其實比平常番學時間仲仲仲忙。係補習界，由宣傳期既免費試堂再到7月開始既暑期課程，中間同同學一齊放榜。繼續不斷係無中斷的上堂時間；補習老師都有個特徵，就係經常要由一個上堂點係永遠只有剛剛好時間內，分身轉移至另外一個上堂點。例如，一小時內由將軍澳寶琳，一邊諗計點食野，一邊急速轉移至火炭繼續下一課堂。課外時間也要備課、預演、出版筆記、回應同學問題、改功課等等的工作。
講講下，好似原來都沒有暑假，咩職業、咩年齡、咩時候，忙字都好似跑不掉。不過教育界既忙，雖然來得艱辛，但都係值得既。畢竟，一個公開考試決定同學生死已經係事實，忙完有成果，總好過白忙一篇，番工等放工。