Posted by 本土民主前線 on Tuesday, August 9, 2016
班友係咪黐嫁，無人工、無花紅、唔會有萬人敬仰嘅感謝狀，部份工場入夜後係好撚侷，但係由工場到走廊，哩道無一個人會唔開心，換轉平時要補課、要OT，相信經已西曬口面，但係哩度真係好絶，就算做到死樣咁，返黎同行開嗰陣都會說個hi，say句bye，閒時仲有囡囡關心吓夠唔夠水，要唔要飲野，要唔要食飯先，人間有愛～
平日哩D鐘數，返學嘅返學，返工嘅返工，繼續過營營役役望唔到未來嘅生活，有日過一日，人生。
好耐無試過可以係一個咁嘅空間入面，一大班人無償咁付出自已體力去勞動，換取未知嘅未來。行開行埋，大家唔洗報上自己姓名，好大部份人都係到場先識，而大家甚至係離開現場之後可能哩一世都未必會再見番，但相識就是緣份，係工場生產線上，一個眼神一個動作，默默咁做住流水作業上面嘅小角色，去完成一個幾星期後嘅結果，嗰一份感動，真係講起都有D濕左——對眼，因為D汗流左落嚟。
由初初大家好生手，就住就住先貼到一張，到唔洗半個鐘就變身成為工廠熟手女工，一起手起曬全行貼紙，再轉俾生產線另一邊貼貼貼。無人願意停低一刻半秒，因為大家都知道，面前仲有千千萬萬等緊，而死線係唔番生，嗰期係死，人係生，唯有用盡有限時間，先可以變番個綠里奇蹟出嚟。
甚至本來有D只可以留一兩句鐘，明明夠鐘要走要做灰姑娘，眼見就黎無曬尾班車，個南瓜車都等到爛，但係大家都唔捨得掉底剛剛養成嗰一份默契嘅戰友，就係為左貼得一張得一張，救得一個得一個。係好撚熱同餓嘅環境下，無怨無悔，有精神就吹一兩嘴，無精神就默默耕耘。
奧運係咩嚟？食得嫁？工場嗰一種煉到忘我嘅表情，腦海入面二月時嗰種畫面好似死前白光咁返曬嚟。明明嗰嗰日頭被老闆揸乾揸淨，放左工都半死，但係都要留係度做到虛脫咁嘅樣先甘心。
相信睇到哩度都仲未棄文嘅你地都好得閒吓，既然咁得閒仲唔狗衝上去幫手，那有人～