上次睇過各位議員射波情況。今次我哋睇吓各議員投票有幾相似？
筆者都係用咗第五屆立法會嘅投票紀錄，比較各議員喺每個議案入面點投票。喺每個議案入面，議員可以 a.)出席 b.)缺席 c.)棄權 d.)讚成 e.)反對。我對照咗每個議員嘅投票紀錄，再將其異同以多維標度方式表示出呢。
好喇，睇圖啦。
立法會投票相似度：
曾鈺成立席因為唔投票（只係出席），所以佢同所有議員嘅距離都好遠。
而泛民主派同建制派都幾明顯，於圖中一左一右。喺建制派入面，林大輝、方剛、田北俊及田北辰四位議員就似乎比較接近泛民。而陳志全、梁國雄、及陳偉業三位議員就喺泛民入面自成一角。
財務委員會投票相似度：
喺財務委員會入面，唔係點出席嘅方剛議員，就成為最接近泛民主派嘅建制議員。楊岳橋議員可能因為投票次數比較少，所以未算同其他議員相似。建制派就分咗左右兩邊，筆者未知其由，冀望高明指教。
人事編制小組委員會投票相似度：
工務小組委員會投票相似度：
喺呢Ｄ比較細嘅委員會入面，泛民同建制派嘅分歧，似乎無立法會同財務委員會入面咁壁壘分明。喺人事編制小組入面，尚可分得出泛民同建制一左一右；但係喺工務小組入面就真係無咁清楚。而喺工務小組入面，陳偉業、張超雄、胡志偉、同范國威四位議員，就同其他泛民主派議員最唔同。
以上幾幅圖，表示所謂泛民同建制入面，其實都有唔少唔同。光譜當中有乜異同，筆者能力有限，就請各大專家研究吓。
（2016立法會所有候選人名單請參閱維基百科）