（photo via cc Flickr user Andrew Gustar）
提起劣幣驅逐良幣(bad money drives out good)，又叫Gresham’s Law，係古舊既經濟學理論。
簡單講，係鑄幣年代，一個貨幣既所含金屬就係佢既價值。所以人人會傾向儲起Ｄ高質無咁多損耗既貨幣，然後將比較劣質既貨幣拎去交易流出市面。久而久之，劣質貨幣充斥市場。之但係呢個理論唔一定完全精確。如果有一種貨幣係會面臨更高既通脹，貶值更快，呢種咁既劣幣，就一樣會俾保值更高既較優貨幣所取替。
換句話說，劣幣驅逐良幣有一個附加條件，就係係同樣情況，佢地都會換到一樣價值既野(exchange for the same value)。我估計，呢個同你有兩張一百蚊紙，一張好似鹹菜咁，一張好簇新，你一樣會用左鹹菜果張先，係差唔多既道理。雖然，其實邊個用先邊個用後係咩無咩分別。鹹菜果張你一樣買到一舊水既野（除非損毀太嚴重）。
唔講經濟學，劣幣驅逐良幣引伸到其他社會現象，唔駛太複雜，無非都係想講一句：優敗劣勝。有人依家話梁天琦（以及其他年青參選人）俾人係咁人身攻擊，成個輿論機器一齊做佢地，呢個亦都同樣反映出：佢地既出現，唔單止對某些參選人黎講無好處，而且可能大大動搖佢地既利益。無左梁天琦等人，佢地就可以心安理得，繼續以劣質權當為常態（Equilibrium），統治呢個選舉市場。
而另一方面，係選民既角度，亦都唔覺得梁天琦對佢地黎講有咩得著。與其選佢，不如繼續選禮義廉或者含淚泛民。係咁既情況下，劣幣驅逐良幣又一次成立。Ｄ Outdate 野係今時今日仲 Work，反映左人類係幾愚昧無知。簡單講，又係社會既悲哀。