【有仆街政策先定有仆街有錢佬先？】
利申：政治政策bb班。有錯請指教。
一直以來都覺得MPF係每個月令我無左5%人工既賤人
我先得個25歲，退休既野無理由有我份喎
就同我被我媽迫我去供保險一樣，我本人其實真係唔L想畀
MPF加埋保險我每個月都有千幾蚊人間蒸發左，簡直聞者傷心聽者流淚
不過我會安慰自己，算啦，可能有日出街撞車死
算啦，未雨綢繆下啦，等我老左唔洗訓街嘛……
就這樣安份地供住保險供住MPF。
直到今日我先知道，原來香港有樣野叫強積金對沖！
意思係：如果有日您畀公司炒L左，佢可以用以前幫您供落既MPF
拎番出來當遣散費賠畀您！
而同樣，如果有日您有長期服務金，公司都可以拎佢幫您供既MPF畀您
總之就係公司可以拎佢本身入左落您老人戶口既錢，然後用來賠畀您喎！
咁係叫賠錢咩？咁係叫賠錢咩？咁係叫賠錢咩？
好重要，所以講三次
因為咁樣根本唔係賠錢啦下嘛。
喂唔係話畀左我既錢就係我咖啦咩？
點解依家可以用我將來既錢，用您個名賠畀依家既我？
上網睇過，D人計左條數，對沖長期服務金即係其實無額外畀過錢您
您既強積金依然係得咁多錢，但間公司就美其名畀左服務金您囉。
係呀，我好後生，佢喺我MPF戶口拎萬幾兩萬蚊出來，
我仲有好多時間慢慢草番呀
但問題係我條氣唔L順嘛！
哦原來所謂賠遣散費就係拎您退休D錢畀您用住先既
真係皇恩浩蕩感激流涕多L謝哂啦
話我知，呢D政策係邊個諗？
諗果個一定係商人，仲係好L奸既商人！
阿媽講得岩，商人都係奸咖奸咖奸咖！！！
Fuck you, MPF!