代糖夫人：
夫人，小妹——都唔小喇，今年我都四十出頭喇，我個仔今日DSE放榜，仆街，好撚差呀，唔知之後讀咩。個衰仔呢幾年剩係掛住踢波，唔肯讀書，點算好？有冇辦法可以激發佢讀書既心？
潮師奶上
*** ***
潮師奶：
要令一個中二既男仔俾心機讀書，果個難度可能難過香港有民主。中二既男仔，腦筍都未生埋，可能變左聲，但係思想都係小朋友黎既。啲父母叫佢讀書，夫人都問一句，讀書有咩用先？香港地，地產霸權當道，加埋狗官同大陸蝗蟲，讀到書都唔見得前景唔灰暗。
不過夫人梗係明白，係一個咁食屎既環境，做父母梗係想個仔盡量裝備好自己，起碼學歷唔好太輸蝕，咁第時食屎都未必需要食最難食果種。但問題黎喇。點樣激發佢讀書既心呢？首先你班父母都要講得明白，點解要讀書。夫人細個果時，阿媽剩係同我講，如果唔讀書，你第時乞食呀。拿呢啲就叫無論述，流於口號喇。
你應該話，讀書呢啲野都做唔好，唔只將來好可能要食屎，溝女都唔使講。然後你開尹光果首《少理阿爸》俾佢聽，個前奏獨白係咁既：
阿仔呀！你唔返學我唔怪你呀
你High化學野High到神神化化
口水流到上眼 好心你學下我咁
有一技傍身 賺返啲錢
咁呀你界女都界得應啲呀
有錢就界天鵝肉 無錢就界豬腩肉
你睇下 我捽碟捽到發發聲
啲女係我面前彈下彈下
WE哇鬼叫 波濤洶湧 幾爽呀
呢首歌好有教育意義。讀唔讀到書，係好其次，良好家教，就係要教個仔要做個格局大既男人。咩為之格局大呢，就係識玩，要早啲俾佢知道呢個世界有咩好玩野，唔好一味禁制，唔係佢未見過大蛇屙尿，無抵抗力架。
當你個仔細個既時候就比較了解個現實世界，知道呢個世界好多野玩，好多可能，佢就會建立一個比較大既世界觀。打機好好玩咩？到時你想玩既就唔只係個Game咁簡單啦。
呢個學歷貶值既年代，除非你讀哈佛劍橋啦，唔係所謂讀唔讀書，好閒既者，最緊要係一技傍身，有野撈下，界女都界得應啲呀。話俾你個仔知，做男人，格局大、目光遠，見多識廣，唔叫太窮，係呢個女多男少既地方，幾L多野玩呀，發發聲又得、彈彈下又得。例如叫你老公帶佢去叫下雞，都係一個好有意義既other learning experience，可以理解下個城市既非主流經濟運作，果下就做埋安全措拖教育，見下世面，個人自然識唸。
但之後就叫佢再想去就自己賺錢啦。個世界好好玩，不過都要你有本事。唔好妄想叫個仔做清教徒，無出色架，大個好易仆街。佢要早啲知道個世界有幾波濤洶湧，佢就自己識打算。有錢就界天鵝肉，邊個想要豬腩肉。養個仔，養大佢既慾望，佢個慾望大，野心大，識造反，就自然會上進架喇。
如果慾望細、野心小，咁你點推佢，都係「小確幸」。人有慾望、有野性，就唔會忍受到自己頹廢，唔使擔心一隻狼唔去搵野食，但一隻熊貓你唔理佢佢真係會懶到唔食野，死左。做狼定係熊貓，人要識選擇呀。唔係好似啲離地中產咁，讀到書做到專業人士，到頭來咪又係俾班蝗蟲狗官蝦，然後打飛機話和平係佢地最大武器？
代糖夫人上