話說我老豆就好鐘意睇CCTV，每當CCTV播緊歷史節目既時候，佢都會以驕傲既語氣同我講：「阿仔，你知唔知中國有5000年既歷史。以前連歐洲都係中國既地方來架！依家D人成日都唔認自己係中國人，都唔知佢地個腦諗乜。」而每當我每次聽親依D咁既說話既時候，我都會覺得佢依種中國人既思考模式根本就同剛田武（技安）冇分別。
技安，一個耳熟能詳既卡通人物。技安依個角色除咗成日蝦蝦霸霸同唱歌難聽外，仲有一種別樹一格既世界觀，是之謂剛田哲學法。根據網上既資料，剛田哲學法係泛指一個人鐘意強搶他人既東西而且將之當作係屬於自己既野。如果要引述故事中既對白，即係「你的東西就是我的東西，我的東西還是我的東西」。打個比如，本來大雄有本漫畫，技安借走咗，當大雄問佢拎返既時候，技安就會用以上既理由來推誠大雄，變相搶走咗佢。
之所以我會話中國人同技安冇分別，係因為中國人同技安一樣鐘意強搶人地既野走咗去。先講講歷史，當今政權好鐘意宣揚自己既國家有5000年既歷史，但係其實佢由成立至今只得六十幾年，就算係計個黨既成立時間都係得九十幾年，一個單單得一百年唔夠既國家竟然跨下海口自稱有5000年歷史，何其荒謬。其次，佢所謂既5000年歷史係由十數個唔同既朝代姐成，當中仲要有幾次係比外族統治，連人地既政權都當係自己咁看待，慘不忍睹。再講吓領土，中國又係好鐘意將某D本來唔屬於佢既地方視為自己，最簡單既就係我地目前身處既地方－香港。一個本身係前幾朝既領土割咗比外國，竟然不知廉恥地問係自己不可分割既領土，打個比如，你問格離屋借咗100蚊，點知過幾年格離屋搬走咗，你都唔會比你果100蚊新搬來果家人啦，更何況係送！再者，各式各樣既發明品都係一樣。小米抄iPhone，國產卡通片《汽車人總動員》抄反斗車王，中國制戰機抄美國制戰機，往往搶走別人既創作，柒不可耐。
對我來講，整個剛田哲學法都係荒天下之大謬既事。全個世界邊有可能可以搶走完人D野就大大聲聲話依樣係屬於自己。點知遠在天邊，近在眼前，依D咁既事卻經常發生係我地最差既鄰居－中國身上。外族既政權又當係自己，人地既領土又當係自己，人地既發明又當係自己，對我個人而言，只有一D對自己毫無自信既人先會咁做。如此不合理既事，本質根本同打飛機係無分別，兩者都係靠自己取得快感，並得到滿足。當當一個「大國」，竟然要靠打飛機解決需要，可悲至極。
回想起來，我老豆又曾經同我講過，話鹿兒島曾經都係屬於中國。但係由於我對歷史既認知不足，未能為此視下任何評論，只係心諗「你話鹿兒島都係屬於中國，咁如果你有個柏木由紀比我架話，我咪唔會否認囉。」