你問我，我梗係話黎明呢單野好有疑點啦，兩個鐘前先正式宣布唔過消防條例，所以要成個演唱會無得睇？有無咁奇情呀？
食環署係政府入面其中一個最Bureaucratic 既部門（Oh sorry用左英文，係官僚主義至岩）之一，搞一個咁既牌照，一定會批好耐，同埋會有好多人睇同去Clear，斷唔會話一日時間，先會知道，個牌到最後究竟批唔批得出。如果我地去睇岩岩政府出既新聞公報：
「食環署在接獲有關牌照申請後，按照既定程序處理及徵詢相關政府部門的意見，並一直與主辦單位就各部門的意見保持溝通。」
究竟政府部門，係包括邊 D ？主辦單位同各部門既溝通，又開左幾多次會，當中就果Ｄ唔合規格既布料，又究竟進行左幾多次既磋商，有無Minutes 或者Notes of meeting？有幾多官員又牽涉其中？
究竟依家誰是誰非？係主辦單位問題，定政府事？呢個係關鍵，依家暫時無人講得出！
不過，政府都無理由無assess 到臨尾呢一刻先話唔得會做成幾大影響。話晒黎明都係香港四大天王，完全代表左香港廣東話樂壇既其中一個輝煌既一刻，而雖然佢係黎至北京，但佢果陣堅持唱廣東歌。雖然佢既歌喉果陣經常俾人恥笑，佢一樣奠定到佢既地位，大紅大紫，係不少樂迷中有深刻既地位。所以，唔單止本地會好多人去聽，仲會有好多五湖四海既人專登黎到香港聽 Concert。
拿，一講到呢到，Implications 就大喇。因為呢個代表左係一個國際Event，亦即係佢地過黎，係旅客數字，佢地既消費，係政府經常話要振興旅遊業既一部份！依家香港零售同旅遊都一池死水，咁難得黎明開 Concert，你唔俾佢玩？我睇 Facebook 岩岩仲話有 Fans 係阿姆斯特丹上機過黎喎？唔知呢單野，會對香港既聲譽同作為甚麼好客之都，會有幾大打擊？？政府有無需要去到最後都無解決辦法，就索性拉倒？咁樣一定係雙輸，亦都會俾人地話係Institutional / Government Efficiency 出問題。後果，我就覺得可以好嚴重囉。
而咁多疑點，最後梗係要用陰謀論收筆，先過癮啦。有人話黎明俾人做，係因為出現過係唐唐既造勢晚會。喂大哥，咁講會唔會牽強左少少呀，玩陰謀論唔係咁玩架。要玩，就睇今年《財政預算案》第廿九段：
旅遊業如今已進入調整期，訪港旅客結構和消費模式有所改變，我們需要檢視香港旅遊業的發展策略，不應只追求旅客人數的增長，而須邁向產品多元化和重「質」的高增值方向，吸引更多高消費的過夜旅客來港。鑑於新形勢，我會推出短、中、長期措施，減輕業界經營成本和加強香港的吸引力和競爭力。
唔係既，唔關權鬥事既，只係我太仆街，又就黎選戰，所以成日諗多左唶～～