一線鮑與宋仲基

「牛肺閪真係你ｈｉ我個份！」呢句真係星哥嘅經典對白。

星哥係我舊公司同事，星哥為人幽默，做野爽快唔做作，最重要，佢同我都係一介毒撚兼任高登仔，所以大家好快就混熟。

不過星哥成日屌柒我，話我外向性格，而且有拍拖經驗，根本係偽毒，我只係會話比佢知「我都係毒，不過你毒啲，唔代表我唔毒！」

舊公司真係Hea到仆街，只要時間安排得好，一日睇哂三套電影根本係無問題，不過睇得多眼都累，其他時間只好同星哥鳩吹一下。

星哥係智慧型嘅毒撚，基本上一般科學，電腦問題佢都可以唔睇搵google就直接答到你，更加唔使講LOL，高達同漫畫，當然仲有最重要嘅ＡＶ知識同情報。

所以我自己係好欣賞星哥。

某日星哥係到傾到性嘅問題（基本上佢１０句唔埋就拉埋去性方面）

「牛肺閪真係你ｈｉ我個份！」

「唔係話一定要處女，但起碼唔好係牛肺先囉」（唔明咩叫牛肺嘅朋友請自行上網查證）

「星哥，點可以用一個人嘅性器官外形黎衡量佢本身嘅價值同感情呢？」

星哥疑惑起黎，佢露出一個願聞其詳嘅表情

「如果某日愛上某個女仔，你同佢經歷咗捱20蚊麥記，一齊擔同一把遮，接佢放工，佢又煮野食比你食。直到一晚，你屋企無人，你煮咗幾個簡單家常小菜，約咗佢上黎，大家食到飽好開心咁係到睇電視，情到濃時，大家開始有啲互動，直到你除咗佢條底褲，你發現係牛肺！

一） 你選擇將條底褲車落佢去塊面，然後破口大罵『牛肺閪！？你ｈｉ我個份啦！』然後轉身就走。

二） 繼續低返頭做返你要做嘅野！」

星哥已經笑到訓低，兼且拍哂手，不過星哥唔蠢，佢知道其實我係分享我嘅故事。佢揉一揉眼水，示意叫我繼續。

「老老實實，處女有咩好？我就真係唔覺得有咩咁好，只有啲物化女性嘅男權主意者先會咁諗。」

「即係戒Ｊ教主個種人？」星哥又笑到拍哂手

「係架，你當佢係食物，你梗係唔想食二手架，但女人唔係食物，佢係人黎架嘛，你係需要同佢有互相嘅交流同溝通架嘛！」呢個時刻星哥露出一個認同嘅樣子，繼續拍手。

「好撚簡單，你玩ＬＯＬ你都唔鍾意同新手玩啦下嘛？你都係鍾意啲大家有默契嘅拍檔架！即係你又會得閒攻佢『上路』，佢又好有意識咁攻你『下路』，咁樣先至有意思架嘛！」星哥露出姆指同一個滿意嘅笑容。

「咁你唔介意你嘅女朋友之前有好多『手』嘅咩？」星哥接住問。

「其實你都無得介意架啦，每個人都有過去。做人應該貼地少少，而且感情唔係單純講性，仲有好多野，成日都幻想ＡＶ情節同女優係現實生活中，咁同啲睇韓劇睇到上哂腦啲女人有乜分別？唔係韓國大隻靚仔有錢OPPA我唔要！」

「都話你係偽毒架啦！偽毒可恥！偽毒可恥！偽毒可恥！」

星哥呢一刻興奮到完全唔理公司有其他人大聲咁嗌。

依家每次我見到啲令人中哂毒嘅韓國男明星，加埋啲女人流哂口水嘅樣，我發現其實同係動漫展見到星哥同佢班毒撚朋友包圍住班𡃁模嘅情形，真係無分別。