有個住係日本的朋友send左幅圖畀我，話佢諗著down ViuTV 黎睇，見到D震驚13億人既野。
我一睇，嘩不得了，原來ViuTV 有D 咁既野？
「クロスプラットフォーム同時視聴ライブTV、包茎は、人気番組を追体験。」
我譯返做中文back-translation你睇：
「跨平台同步收看直播電視，包莖，會代入體驗人氣節目。」
真係當堂嚇親細佬。喂，就算你唔識日文都睇到有D野唔妥啦。「包莖」係咩呢？即係JJ包皮個開口太細，令到個龜頭出唔到黎。（想像下好啦，唔好Google image，好危險）
咁到底個「包莖」係邊道黎架呢？我畀個原文你睇下：
「跨平台同步觀看電視直播，足本重溫人氣節目。」
聰明的你應該估到包莖應該係對「足本」，但係點解呢？我地請教Google大神：
原文：足本重溫人氣節目
日文：包茎追体験人気番組
原來Google竟然擴闊左對於「足本」=「No-Cut」的想像，將「No-Cut」理解為「未割的JJ」，於是乎變左做「包莖」，真係超級醒過龍，我和小伙伴都驚呆了。
What’s more，其實「追體驗」呢三個字唔單止係你望文生義時既理解咁簡單。呢個詞解「透過他人的作品，將他人的體驗像自己的親身經歷一樣感受」……咁所以呢，「包茎追体験人気番組」呢個節目聽落真係好耐人尋味，後文仲要係「讓你可以24小時non-stop享受刺激的娛樂」（24時間ノンストップでエキサイティングなエンターテイメントを楽しむことができます）。
喂我真係好不安，睇到我唔知應該硬硬地定痛痛地。
喂呀，ViuTV你搞搞佢啦，VR人體奧妙展咩，我唔使代入人地條包莖入面24小時non-stop享受刺激快感呀。