自2010年開始，每一年小弟都會去PolyU Design Annual Show，因為我覺得那裡總有些令人驚喜的電影作品，而今年令我覺得很值得欣賞的是以2014年12月的解款車馬路跌錢事件作故事主線的《路中拾遺 Money On the Road》。
《路中拾遺》第一個值得看的亮點是編劇如何把幾個看似無關的人物，以巧妙的故事線把他們連在一起。欠債窮困的神父、虐打兒子的解款車司機、收神父數的死靚仔、垃圾佬及死歸的少女被導演以一條接一條的故事線環環相扣，論盡人性，精彩非常。
第二個亮點是抵死的對白，為免劇透太多，筆者只列舉欠債神父的部份對白，如神父被追數時向上帝祈禱：「求神免了我們的債，求下你，叫佢地免埋我D債呀」；又例如「主呀，你既恩典夠我用，但係唔夠交租呀!」；最抵死係見到解款車跌錢時不單講：「哈行路亞，上帝聽到我禱告啦。」更叫垃圾佬一齊執：「呢位弟兄，今日係你救贖既日子，你都來一齊拎啦。」完全突出了這位曲到圓的神父特色。
要知道，在PolyU Design Annual Show的畢業作品都是要非常低成本的製作，在如此困境下做出一套上得YOUTUBE既電影非常難得，而且是免費觀看，大家只要在七月十號前的星期一至六，十一點半至七點半，到理工創新樓九樓就睇到，同場仲有好多唔同的電影作品。唔知點解，今年的水準都提升左好多，不妨一去。
P.S 大家仲可欣賞好搞笑的道具，例如以理大做主題的道具鈔等。
PolyU Design Annual Show 2015詳情