今年去書展真係冇癮，我都唔想講「一年不如一年」呢d老套野，但事實的確係咁。小弟去個陣係夜晚，但比起舊年我日頭去，場內都唔算好逼。唔知係咪少左人去，但係真係少吸引力去，我行完1樓個場都唔想再去3樓行。
先講個格局；私煙呢d垃圾都比佢擺，簡直有損市容（冇圖，費事比容總bam）；仲有間渣打係度擺檔（圖source：健吾facebook），諗住睇下有咩書喇，行過去見到班金融才俊，係度r客開信用卡定唔知做乜；同隔離果行收哂檔既領事館檔相映成趣，仲要大部分係一帶一路國家。喂阿哥，你連promo都唔係，就唔好霸住屎坑唔屙屎啦！成個場好多都係黎做promo,sell人訂雜誌、買電子書都算，有d又賣19 dvd，sell個app，屌你書展邊撚到書？本來呢d 3樓先有，而家連1樓都好多公司當書展係街邊咁，擺哂booth，十足sell寬頻、保險，屌你咩。最離譜我見到有檔已經唔係賣旅行書，係賣手信，同埋sell機票優惠 :o)
講真，書展墮落唔可以怪哂d 生意佬，入場既人都有責任，包括你同我。以前普通書迷入書展都係為左呢幾樣野：支持心水作家（買書）、搵佢地簽名（如有）、買新書（多數流行小說）、買平書（多數實用類／知識類）。而家d人入場目的都扭曲左好多，有d為左買寫真、有d為左扮文青上facebook打卡（屌）、有d為左同fd/女去、有d當行商場／趁墟。真正書迷少左，商家又點會放過呢個機會，反正你入到黎，就算我唔係賣書你會幫襯喇，當係賣廣告都抵啦。
唔止書迷，書既質素都下降左，我由小學雞個陣都已經開始入書展，今年真係少左令人心動，想即刻買既書。當年向西村上春樹出第一本書，我都有買，覺得係香港文學界既新希望。之後都有唔少網絡作家食住條水，寫下故儲夠人氣就係書展出新書。
不過呢兩年多左d新愛情作家真係不敢恭維，以前d 言情小說多ff都算難頂，不過都叫滿足下每個人都有既ff欲，只不過唔係比男人睇；而家d 叫春系作家，mxxxxx 鄘xx 孤xxx 個d出d書真係on撚9到一個點。之前係書店揭過 xx情深既書，屌你一版得兩句既？咁撚樣都叫散文？用下文字藝術師就當有做過野 :o) 屌你唔係違反中文文法就叫有詩意囉！內容又只係阿媽係女人，大部分人都經歷過既，搏共鳴。叫春文學系d fans又真係弱智，喂阿哥，你平時都已經鍾意share d 19文字圖，而家仲要去買佢書，等佢簽名？就係你班人助養d叫春系作家，佢地先有市場。唔計叫春系，網絡作家一般都唔差，我以前鍾意過睇小姓奴，不過魚蛋革命個時，條友就露出港豬本色，又罵鳩本土派。本人自此發誓唔再買佢d書。諗返轉頭，睇下佢寫既文，小姓奴本身就係一個典型走精面既世界仔，無謂作太多寄托。
結果今年我除左三四本實用書之外，只有買d政治評論既書，不過唔少內容作耆一早網上登左，始終有d失望。