唔知點解我 grad 左之後幾年都有中學師弟妹 add 我，除咗政治社會之外亦都有唔少人問愛情同埋性嘅問題。對，我就係唔知點解會變左佢地嘅南宮夫人。
仲記得有一次某師弟破完處 inbox 我話覺得好撚失望。第一次望到真實嘅女體，佢先發覺原來pat pat 可以咁大，大到好誇張，但個胸又不合比例地細，而個乳暈係啡色而唔係粉紅，仲要大過波板糖。唉，少年真係後生，你唔係以為有豐乳就一定有肥臀吧？其實有大 pat 就幾可肯定會有象腿，仲可能會有啲橙皮紋添。
睇得 AV 多，都知道女人 Lin 頭可以大起上嚟可以大過你個嘴。世上冇「完美比例」嘅女人，如果你唔滿意，執著的話，對唔治大家都冇辦法，二次元並不存在喺呢個世界之中，儲錢買 VR會係比較好嘅解決方法。不過之所以出現嘅啲問題，大概就係因為我地一直以來對異性嘅幻想同認知大多來自 AV。但大佬，唔靚唔正都拍唔到啦，你估去到韓國個個都係Jessica同元彬？
其實唔止女體，陰莖個 variety 都可以好大：夠長又唔夠粗，身粗但頭幼，夠硬但生得攣（攣向左／右），夠長包皮又更加長。所以，呢個世界係公平嘅，男女都係人，眼耳口鼻都唔同，更何況四肢性器，人唔係掛喺街市啲肉，冇得好準確咁切咁界做固定size，會郁會臭會充血會有反應。二次元好正，但千祈唔好當左係真，搞到自己接受唔到現實就大檸樂了。