身為一名大愛左翼，我就最憎左膠。要知道我最憎就係啲人製造仇恨螺旋，而喺今時今日，左膠就係其中一個最大嘅仇恨螺旋工廠。
點解我會咁講？以香港為例，本來香港人同中國人分隔得好地地，大家相敬如賓，中國仆下街，我哋就捐下錢表示下關心。
但係中港接觸得多，就出事啦，矛盾日生，仇恨漸深，當中固然有香港政府嘅責任，但係左膠不停為中國人盲目爭取權益、仲屌鳩香港人唔大愛、法西斯，簡直就係煽風點火，唯恐天下不亂。
簡單講句，呢班左膠，根本就係法西斯思想嘅源頭。
無緣無故嘅仇恨，我唔敢話世界上冇，但絕對好少。一個人唔係感到自己利益受損、或者為人所欺、生存受到威脅，都好少會仇恨一個人，唔通真係咁多時間咩！尤其香港人，搵錢嘆世界好過啦！
偏偏左膠就幫手不停接中國人落嚟，仲為佢哋爭取諸多同香港人一樣嘅權益，呢個都唔緊要，但係僧多粥少，變相削減咗香港人嘅福利，仲唔係製造利益衝突，加深雙方矛盾？
左膠真係仆街嚟㗎！
身為一名左翼，我深知要減少社會仇恨，就要減少利益衝突，好好調解多方面嘅利害。就算容許移民，都要顧及原本居民嘅感受，令佢哋覺得公平，同時為咗保障原有居民權益同埋令移民可以融入社會，亦應該要佢哋工作、學我哋嘅語言，同我哋嘅社會有所認識，咁先得。
若果任由移民我行我素，只會令移民同原先公民嘅矛盾越嚟越大，造成仇恨。
所以話，種族仇恨嘅罪魁禍首，絕對有左膠份。