關於一個自願成為M$ Windows 10白老鼠之年輕政棍的真實故事。
第一天：安裝、極基礎、Youtuber的禮物
Windows 10 Media Creation Tool，簡而言之就係下載工具。等唔切既Win 7/Win8.1人可以免費下載即日升級，亦可以做定USB手指幫第二部機升。
準備安裝。安裝程式睇黎同Win8/8.1零分別。
第一次重新開機。之後會重新開機多兩次。
開始功能表回歸。是Win8和7融合。至於Win8原本既全版格仔其實仍然存在，只係換左係觸控模式專用。（觸按介紹且看下回）
睇落分別不大的檔案總管。同樣內置OneDrive。主要分別在於1 預設開啟時是「快速存取」而非本機；2 「快速存取」會將最近開過既兩個資料夾自動加於表中。如想取消可在「快速存取」上按右鍵，「設定」。
新設定，實際上就是Win8右側欄的後繼版本。另外還原做Win8.1/Win7既按紐亦可以係呢度搵到。注意係只有升級後一個月內才可還原。
筆者是自Win8.1升級，然而雖然不少驅動程式可照用Win8.1，但升級後首次開機預設係用內置。另外，如圖中所見，筆者的AMD獨顯和APU顯示卡都出現問題，需要完全解除Catalyst 安裝再重新安裝一次。另外，圖中的TP Link USB Wifi Adapter 係升級之後用唔到，搜尋唔到任何網絡，但又唔似顯示卡直接話有問題。我個人既解決方法係搵返晶片廠（呢個係Ralink，即係MediaTek）既最新驅動程式，裝左再重新開機就得啦。
Europa IV唔係重點，圖中黑色寫住Win + G先係。佢係我一開呢個Europa IV啟動器就自動彈出。
按下Win + G，出現 xbox、背景錄影（即係自動錄）、營幕擷取、錄影（手動）、設定（移動）。可惜我唔係YouTuber。
有趣的是，在非遊戲按下 Win + G，會問你當前程式是否遊戲，相當於是否開啟上一張的錄影+擷圖功能表。換句話說 1. 佢識認邊D係遊戲（通常會動用DirectX/GPU嘛） 2.即使唔係遊戲，應用程式既教學都可以用呢個做
BTW背景其實係Play St….市集（Marketplace）。可以告訴我這叫抄考嗎？（編按：XBOX 都有M＄市集既，搞野收錢沒有誰比誰高尚～）
總結
兩隻字：有趣。
老實講免費升級係當初的確係意料之外，意味微軟似乎已經準備好轉型。當然，Office 365、收購Nokia、Win8.1 with Bing（即係免費Windows俾小型OEM）等等，其實都唔係一時三刻架啦。
講返Win10。承襲Vista大改、7小改Cycle，今次10就應該就係8的「小改」版本。話雖如此，改動其實到處都係，比如前幾張相介紹既xbox工具列、唔同左樣的市集、會自動加料既檔案總管等等，筆者用多幾日肯肯定仲會有新發現。
今日總結：Windows 10除左免費升級之外，作為「小改」cycle版本其實都算有少少誠意：四處都見到改善之處，從善如流改返開始功能表，又重寫瀏覽器同小算盤。
然而，筆者以為，Windows 10根本是未完成的作品：Microsoft Edge、小算盤，絕對等同Microsoft宣布開始淘汰傳統程式（就如Windows Phone 7至Windows Phone 8的慢推進慢版）。相比起Win8以Metro為名將市集、音樂、圖片、郵件等等相當於Outlook、Windows Media Player和圖片預覽器的Apps置於「平行世界」，Win10更像是續個淘汰原有程式。然而，RT前車可鑒，不一開始就全部取替的理由，相當充份。
預告：內置XBOX是何方神聖？TouchScreen模式有何不同？Edge的兼容性