話說我去【鍵盤戰線】主辦嘅「網絡廿三條，一定唔得 記者招待會」，打算撐下場，又當係睇下今次聚唔聚到多啲人造勢，預計一吓下星期三抗議力量可否大做。出去之前，再仔細睇睇個FB活動，留意下聯署團體信唔信得過，會唔會有左膠、泛民垃圾政黨，又無喎，好多都係做實事嘅團體，仲有好多二次創作嘅專頁，極其量係有學民仔啫。
吖，李老闆吖，居然去到見到維穩大左膠「長毛」、肚池貼貼紙「快必」，心知不妙；點知今次係大好時機清算長毛，令佢狼狽猙獰、無才無學的面目言辭，揭露喺黃屍豬眼前，完全將其污名。
筆者約下午四時半到旺角菜街，天落住雨，望落都唔少本土戰友，仲有啲網絡漫畫家同司徒夾帶老婆；撞到位戰友諗住打招呼啦，點知位戰友攬埋嚟訴苦話：「啲左膠搞禍咗今次行動，我哋3點幾啲物資差不多到齊，班社民連嘅人就突然湧出嚟做大台，指手劃腳，教我哋點Set場；仲大大聲講，一陣毛哥講嘢先；之後佢哋就企埋一邊煲煙」、「明明今次係鍵盤戰線搞㗎嘛，但社民連班人就騎劫咗囉，聯署名單又無佢哋，蝦我哋人少」（我依稀記得大概說話）
我再行個圈，發現常識唯有自己開咪講網絡23條嘅毒害，再望望下，發現當日遺棄我哋嘅龍和道守護神仆街長毛，仲有成日爭法律援助credit嘅肚臍快必，我就心知不妙，若果早知有社氓連、人民幣力量，就唔9嚟啦～
如是者，就好無癮，鳩企聽下，都仲有鄭松泰、四眼哥哥喺大台嗰邊嗌下咪，揶揄下某啲長髮議員唔拉布，但有鏡頭就露出個龜頭。失驚無神，個長髮議員就彈出嚟搶四眼哥哥支咪。
吖，你鹵味，本身俾你條老嘢出嚟騎劫又攞光環，玩串個party已經嬲嬲哋，仲要出嚟搶咪扮大佬？！當時群情洶湧，紛紛要聲討長毛，一唔肯拉布，反對網絡23條惡法，二搶咪，剝奪言論自由；但條友喺鎂光燈下受訪完，就想急急腳走人，成個689咁樣樣，於是我哋一班戰友就湧上前圍住長毛，要求佢答應拉布同道歉，方可放人！點知，精彩就出現囉～
【圍長毛嘅詳細情形】
開始起哄
現場戰友不停向長毛要求「拉布！拉布！拉布！」，多把聲音問佢「拉唔拉布」，但長毛一直置之不理，只係望住啲記者嘅鏡頭講嘢，開始有人質詢佢「作為民選議員，點解唔肯回應民意，唔回答市民？」
長毛身邊幾個人想護送長毛走人，身邊約共4人，一佔旺畫家、二鳩嗚阿曹，仲有一個戴眼鏡嘅阿嬸同戴眼鏡短髮中年男子；於是我同在場戰友自發上前圍住長毛，唔俾佢走，要同孔武有力嘅魯漢畫家角力，俾畫家嘅獅吼功同口水虐待耳仔。當時，約十幾二十人，包括記者，身貼身死抓住長毛唔放，我哋想拉走個畫家，唔俾佢再拉走長毛；由大台推到近百老匯附近bossini嗰邊僵持。
龍和道守護神嘲諷前輔警握手
我哋不停質問長毛「拉唔拉布」，佢一副不屑回應市民嘅咀臉，非常大牌，鬧我哋示威者唔敢見人、幪住面，講到佢自己好似光明正大咁，於是我除低口罩同帽，同佢講「我係前輔警阿joe，你答我呀！拉唔拉布，好簡單嘅問題，答完咪走得囉」
見長毛全程一副囂張得戚嘅咀臉，在場市民都忍不住鬧佢。我亦大鬧佢「龍和道守護神喎，成日同警賊協議，出賣我哋」，長毛聽完非常介懷，立即鬧我「至少我無好似d人主動同警賊握手」，我應道「係你當日扔低我哋，走咗去，所以先會搞成咁」
亦有不少陌生戰友替我不值「佢至少抗爭俾啲差佬打到爆缸，你呢！」、「多得長毛你三番四次幫警賊開路，先會運入啲軍火、橡膠子彈咋！」，長毛被我哋挑起雨傘革命當日通敵出賣港人嘅醜事，立即啞口無言，轉而鬧其他示威者講粗口。（想當日，長毛同社氓連遺棄示威者，仲立即出圖抹黑我「賤警扮學生，既方便又快捷.jpg」，事後刪帖道歉，依家長毛咁嘅賤嘴，好明顯並非真心道歉）
長毛不堪老母被問候，郁手打市民
長毛一直唔肯回答拉唔拉布，令示威者鼓譟，一位市民大罵「屌你老母」，長毛即刻用隻手食指推嗰位市民個鼻，我哋見狀隨即大嗌「你唔好郁手呀！」長毛即應「因為佢問候我娘親」，我哋指控佢襲擊市民，堂堂民意代表嘅議員襲擊市民，長毛嘲諷「報警囉，你哋都淨係識報警架啫」（但事實證明，最後需要被黑警護送離開嘅，係長毛 :0)）
示威者轉數極快，質問長毛「市民講粗口鬧啲黑警，長毛係咪認為黑警可以郁手打市民？」長毛無聲出。
長毛理虧心虛，不停轉移視線，問非所答，最後搬出「所有人都是熱狗」論
長毛又大鬧「我梗係拉布啦傻仔，全部都傻仔嚟嘅」，鬧周邊啲市民係傻仔（我即時諗起四方喺城市論壇鬧主持傻仔嗰種不可一世）；又話我哋「自己一個行到街角，就乜都唔夠膽講」；
膠著了接近半小時，長毛無言以對，突然雙眼發光、靈機一觸，似係諗到必殺技可以收我哋皮，大力轉身大嗌「今日熱血公民出齊哂人未吖？熱血得咁少人架咋？」，又屈所有反對佢嘅人都係熱狗 :0)
我心諗有啲咩技倆，原來詞窮又要玩派系之爭，收皮啦，不如話我哋係藍屍啦，我當堂嚇一跳，然後得啖笑，多謝長毛提供笑話，難怪佢愛徒黃浩銘咁撚樣，成個小丑咁。我哋立即應「我哋全部都自發出嚟」（我不其然諗起，當日佔領，啲藍屍鬧我哋全部都收咗錢，受外國勢力操控，我哋都理直氣壯地講我哋自發走出嚟）
長毛搶四眼咪，剝奪言論自由
質問佢「點解搶四眼支咪，打壓言論自由；剝奪其他人嘅發言權，自己講就大哂」，佢理屈詞窮的講「因為佢（四眼哥哥）講嘅錯囉，我咪搶囉」、「搶四眼支咪，咁又點吖？」（犯法咁又點呀.jpg），又道「你哋咁鍾意拆大台嘛」意即佢都可以拆我哋大台，但長毛老啦，忘記咗當初金鐘大台係只限左膠發言，不准其他市民發言，仲會拉人落台、搵狗察做攔路狗、恐嚇打人、大播音樂等等等等嘅惡行，倒果為因，斷鳩估。
長毛遊花園，不敢直接答應拉布
長毛見形勢不對勁，於是敷衍回答「拉唔拉布」，講咩「毓民邀請我拉布，我一向都支持拉布，所以我係絕對支持毓民嘅決定」，總係迴避問題，帶我哋遊花園，唔肯直接回答佢肯唔肯今次拉布。我哋當然唔滿意咁嘅答案啦，而且長毛細細聲無憑無據，一陣啲垃圾擁護者又道聽途說，話長毛講講聲聲講會拉布，咁仲得了嘅？於是叫佢拎咪大聲喺鏡頭講一次呢個咁迂迴、不置可否嘅答案！可惜我哋一班自發嘅市民，何來有電子咪呢。
長毛就發難，話「你哋聽唔到，我就唔會再講多次，除非俾個咪我」（好大嘅官威吖），兇我哋「你哋咁圍住我，我就同你哋玩囉，企夠12個鐘，睇你哋點」，可惜我哋唔係黑警，唔怕遲收工，所以回返佢「好啊，我哋就同你鬥長命！」，長毛就顯得好想快啲走人，過程中蒸魚安勇武上到前線幫手阻止長毛逃走，我覺得佢雖然小氣但夠勇！
常識見狀拎埋電子咪嚟，質問長毛，但就唔肯借支咪俾咪神長毛答，都啱嘅，支咪俾啲大左膠掂過、又俾佢啲口水噴過，膠化咗仲得了？而且堂堂社氓連咁多資源，一定有好多咪可以用，洗咩靠我哋呢班窮撚本土派吖。
期間，扮理性嘅韓連山出現，借頭借路扮傻問咩事，實則不停想攞身位，隔開我哋，試圖唔俾我哋圍住長毛，幫佢解圍，我當然以身位阻擋呢位偽君子啦。佢又扮嘢，叫我哋出去搵支咪俾個Yes & No Question都唔識答嘅議員，想調走我哋，我即刻講一句「不如咁啦，韓老師，你自己搵支咪過嚟，唔好？」咁就打發咗條老謀心算嘅偽君子。
韓連山及後拎咗幾支咪嚟（拿，證明班死左膠係大把物資，但點解要僵持咁耐呢？就係唔想出醜嘛），長毛又大大聲講返上述不置可否嘅回答「毓民邀請我……」，護送長毛嘅跟尾狗阿曹同畫家等人趁機強行帶長毛離開，推到近bossini門口，並且高呼「阿sir有人打我」嚟求救。因該店門駐紮咗大批人形狗隻，所以筆者避免戀戰，又避免如光復般有人挑起事端而落單，在場戰友就醒水閃人，防止再一次因為左膠同警犬私通而導致傷亡（第二次龍和戰役傷亡，就係因為李卓人而俾黑警有機可乘）
當我哋閃人，韓連山呢位奸到出汁嘅大叔，就拎住另一支咪攞尾彩，搶話語權，大嗌「我哋係絕對支持長毛，長毛拉布係毋庸置疑嘅！」，側邊零零丁丁，約4-5人嘅大叔大嬸拎L住把黃遮拍手高呼「無錯，係呀，支持毛哥」（我當堂屌出聲，心諗毛主席咩，唔爭在唱埋今天我吖）
【是次分析】
「拉唔拉布」的質疑
「拉布」，有啲死左膠護主，守護其龍和道守護神，搬出幾種論調，一「長毛多年嚟都拉布，所以一定會拉布嘅」，二「長毛唔係嗰個委員會成員，所以無得提交修訂案」。
媽呀，我覺得好亂吖，咁究竟長毛係有權拉布，定無權拉布？你哋班左膠夾好口供，先出嚟護主吠吠吠啦～
好喇，唔洗你班Fans答，我哋直接問你哋個精神領袖，長毛佢講明會跟隨黃毓民拉布架喎。咁左膠第二個反駁嘅講法，唔該自動收皮啦；但問咁耐，長毛都吞吞吐吐，係拉就拉，唔拉就唔拉，話一就一、二就二，唔好咁婆媽啦；借問聲，答「係啊，我梁國雄今次有關網絡23條，我會拉布……因為我不嬲都拉」咁係咪即刻解到圍吖？咁咪唔洗你班護主犬出嚟吠囉，係咪？
左膠嘍囉打手
之前已經知道鳩嗚，例如佔旺畫家、阿曹埋咗人力堆，成日做維穩工作。但今次更加現哂形，因為佢哋居然寧願同佢哋曾經一齊守旺角嘅戰友作對、郁手，都要誓死捍衛社氓連嘅長毛。
佢哋就有如佔領當日，泛民收編咗好多鐵馬組、物資站嘅人做佢哋狗察、做佢哋嘅打手。更明顯嘅係，人力同社記只係兩個名，但一體嘅政黨，我估計已經收編哂，財政來源從人力同長毛之前嘅人脈關係，可想而知。
左膠淪為藍屍，需要黑警護送
剛才所說，長毛氣急敗壞、落荒而逃，懦弱得要由黑警送上的士；情況猶如佔領時期警黑合作，送打人嘅藍屍上的士，又似佔領後愛港力嘅陳靜心、大波Man由黑警送走。
今日，大左膠領袖已經只淨返一大堆古靈精怪、奇形怪狀、老弱殘兵嘅嘍囉、跟班支持，堂堂一個議員要自己一個面對一大班轉數急快、言辭尖銳嘅青年。相信大左膠除咗淪為藍屍，更發現自己已經大勢已去，香港青年已經不再迷信你呢個自以為思想前衛、行為激進的偽激進派。
左膠心中奸計：關鍵否決權
今日長毛露面騎劫，搶住俾傳媒訪問，面對一大群市民追問，仍猶豫不決，不肯決斷答應拉布與否，但又會兜大圈暗示會拉布。
我會奇怪點解要做到咁尷尬，宏觀去睇今日嘅情形，好明顯長毛係將整個記者會嘅焦點拉落自己身上，仲引來好多市民追問，好似顯得佢好重要。再加上泛民對網絡23條嘅立場都舉棋不定，大跳草裙舞。
感覺似曾相識，令我諗返起政改表決前，泛民亦係咁嘅表現，並無明示必然否決，仲會不停搞聯署表志；仲要搞埋啲咩滾動式造勢集會，要盡攞公眾支持度，最後否決後仲嚟張合照添。
感覺上，泛民係再一次想顯示自己喺議會中能夠發揮關鍵否決權嘅作用──即使香港民主進程從來都無進步過，甚至變得更衰，泛民都會想呃香港市民，佢哋係好重要，係香港變壞嘅最後把守。
所以唯一要做嘅，係揭穿泛民政棍左膠嘅醜態。
打倒最大左膠領袖，將其變成過街老鼠
社氓連幾近土崩瓦解，區選大敗，只淨返一個似乎最有影響力、最多人識嘅長毛；長毛自以為可以仲靠佢嘅知名度去力挽其左膠陣營嘅勢力，於是今日又使出一招騎劫，仲要意氣風發到搶咪。但時移世易，雨傘革命最大得著就係睇穿你哋呢班老謀心算嘅真面目，唔再迷信你班政棍。
今次行動，早段似乎俾左膠佔盡優勢，完全被成功騎劫，但後段因為實在激起群憤，我哋群起圍攻，長毛頓然露出猙獰面目，不停人身攻擊市民，話人傻仔、話人無資格，甚至出手打市民。令呢條老嘢回哂塘嘅表現，表露無遺喺班老弱信徒面前，亦拍哂入佢最愛嘅鎂光燈之下，供人千年欣賞，遺臭萬年，其狼狽為奸、過街老鼠之相完全入形入格，亦打入我哋市民心目中。
從中得到嘅信息更加清晰──尤記得佔領時被呢種迷惑人心、妖言惑眾嘅老政棍講幾句煽情話、跪下地、流下馬尿就騎劫咗金鐘佔領區，仲成為咗所謂公民自發、公民抗命嘅領袖。所以今後，都要先清除呢種崇拜心態，清除呢種似是而非，實則消耗民氣、出賣示威者嘅垃圾政棍！否則，及後革命又會被呢種政治明星騎劫。
另外，今次誤打誤撞，發現即使我哋被左膠騎劫，都不能氣餧，而係伺機再次反客為主，並且要直接撕開左膠嘅假面具，曝露於鏡頭面前，將其徹底污名！以後可以再作參考。
最後，能夠親口怒屌垃圾長毛，以報當日欺騙、遺棄示威者一仇，實在大快人心，長毛仲有其他泛民，例如AV仁、李卓人、四方、梁家傑、范國威等等，你哋將會名譽掃地，淪為過街老鼠，好似Tree gun、割配帆咁樣樣被嘲笑，以後都唔會再有議席！因為路就自己揀，仆街唔好喊，天收唔收你哋，我唔知道，但我哋一班心繫香港嘅香港人一定會以選票、以革命收你哋皮！食屎啦，我屌你哋老母！