記住較鬧鐘呀～～ :v
Posted by 李氏力場 on Thursday, July 9, 2015
係，賴叔都識兩句英文嘅。另一句係 I go to school by bus.
天文台掛八號波五個半鐘就落波，成為史上第六短命嘅八號波。如果問大家，大家會感謝天文台畀大家下晝早啲收工、恥笑蓮花連曇花都不如，抑或埋怨天文台預測唔準確而到今日放工勁狼狽白忙一趟？
如果有 follow 賴叔嘅 page ，都唔難發現賴叔又又又試明燈咗。係，本身賴叔都估今晚堅有暴風雨，八號波頂到聽早清晨左右。雖然大家結果聽朝都係要準時返工，但八號波下無風無雨又真係好反高潮。
咁，如果有早知，天文台同賴叔當然可以作出唔同嘅預測。但現實係人類只能從手上僅有嘅資料去計算或然率、判斷利害輕重。以蓮花喺上晝一路向西、增強為颱風、有機會幾個鐘之後進入香港 200 公里範圍嘅氣勢，天文台以預警而非實時示警嘅方式決定掛八，賴叔認為係審慎而可取。
蓮花有別於其他常見襲港嘅熱帶氣旋，進襲路線貼近華南沿岸，稍有偏差，就係「這麼近、那麼遠」。今次係北向量多咗而深入陸地引致迅速減弱，但如果係南向量稍多，甚至喺香港南面掠過，情況就唔係大家 un un 腳食花生咁輕鬆。
另外，蓮花結構係北強南弱，佢最終路徑係對香港影響最輕微嘅一個 scenario （okay 撇除機會極微嘅突然北折或東退），所以大家覺得呢個八號波好廢。
但如果天文台要「真憑實據」、錄得符合八號波要求嘅風速先掛八，咁市民大眾一定會媽聲四起，因為根本唔夠時間畀大家塞車迫地鐵排巴士返屋企。
既然同樣係畀人鬧，賴叔相信天文台會情願大家安全而唔係有咩人命傷亡。不厭其煩，大家聽朝記得準時返工呀下。